اسلام آباد 28 مئی (اے پی پی) د دفاع لپاره د قامی اسمبلۍ قائمه کمېټۍ د پاك پوځ سره د يووالې او شمالی وزیرستان كښې د پاك پوځ په پوسته د بريد كولو په ضد د غندنې قرارداد په متفقه توګه منظور کړې۔ قرارداد كښې وئيلي شوې د پاك پوځ سره د يووالې په څرګندونه دا ثابت شوي چې مونږ يو امناكه قام يو، زمونږ مذهب د امن درس وركوي، د وسله والو ځواكونو او اولس قربانۍ به بې ځايه نه ځي، نن كه د داسې شر خوښې عناصرو په ضد کارروائی اونه كړې شي نو هېواد كښې به دا ډول پېښې زياتې شي، سیاسی ګوندونه دې خپل مثبت کردار ترسره كړي۔ د نهې په ورځ د دفاع لپاره د قامی اسمبلۍ قائمه کمېټۍ غونډه د كمېټۍ چیئرمېن امجد علی خان په مشرۍ كښې پارلمان كښې اوشوه۔ د دفاع سيكتر لیفټېننټ جنرال (ر) اکرام الحق کمېتۍ له د خړکمر په پوسته د بريد په اړه بریفنګ وركولو سره ووئيل د خړ كمر پھ پوسته تيره يوه مياشت كښې دوه ځله بريد شوې، په 25 جولائی امنيتي ځواكونو دوه شكمن كسان نيولې وو ، په 26 جولائی هلته دهرنه وركړې شوه او په دغه ورځ د هغه حائې مشران ملاقات كښې خبر كړې شو چې يو كس د ترهه ګرۍ په کارروائیو كښې نيغ په نيغه ككړ دے او دويم تر اوسه شكمند دے ، په دغه ملاقات كښې اتفاق شوې چې شكمن كس به خوشې كولې شي د كوم په بنياد چې د دھرنې ختمولو اعلان وكړې شو خو د دغې نه پس د پشتون تحفظ موومنټ دوه اېم اېن ایز په تيلي فون دھرنا كوونكو ته ووئيل چې هلته څخه واپس نه شئ او دهرنه روانه اوساتئ۔ د قامي اسمبلۍ دواړو غړو په پوسته ولاړو ته سپكې سپورې ووئيلې خو پاك پوځ د صبر او زغم څرګندونه وكړه ، شر خوښو عناصرو په پاك پوځ بريد وكړو نو د هغوي په شا تنمبولو هڅه وكړې شوه خو د هغې په ځواب كښې نيغ په نيغه ډزي وشوي چې پكښې د پاك پوځ 5 ځوانان ژوبل شول ٬ په دې پاك پوځ هوائی ډزي وكړې چې مظاهرچيان په شا اوتنمبولې شي، ځكه يوې خاص ډلې ته په هيڅ صورت د حالات خرابولو اجازه نه شي وركړې كيدې۔ د كمېټۍ چیئرمېن امجد علی خان د پاك پوځ سره د يووالې څرګندونې سره د پېښې په اړه د غندنې په قرارداد ووئېل د څو لسيزو راهسې روانې ترهه ګرۍ په ضد جنګ كښې د وسله والو او د قام په قربانیو د امن پلو مخ په وړاندې روان يو او نړۍ هم د دې اعتراف کوي چې پاك پوځ تر ډيره حده په ترهه ګرۍ قابو موندلې۔ دا هم وئيلي شو چې په پوسته بريد كوونكو ته د پولې پورې غاړه څخه ګائیډ لائن وركړې كيدو، دا فورم د دې ډول شر خوښو عناصرو پھ ضد د سختې کارروائی سفارش کوي۔ قائمه کمېټی او ټول قام د پاك پوځ سره ولاړ دے ۔ قرارداد كښې وئيلي شوې په پوسته د بريد كوونكو په ضد بايد سخته کارروائی وكړې شي۔ قائمه کمېټۍ غړو د غندنې قرارداد منظوري هم ورکړه
دفاع لپاره د قامی اسمبلۍ قائمه کمېټۍ د پاك پوځ سره د يووالې، شمالی وزیرستان كښې د پاك پوځ په پوسته د بريد غندلو قرارداد منظور کړو
دفاع لپاره د قامی اسمبلۍ قائمه کمېټۍ د پاك پوځ سره د يووالې، شمالی وزیرستان كښې د پاك پوځ په پوسته د بريد غندلو قرارداد منظور کړو | APP Pashto service
