اسلام آباد 14 اپرېل (اے پي پي) وزيراعظم شاهد خاقان عباسي به نن د جلال پور پيروالا- اچ شريف سېكشن پرانسته كوي۔ 45 كلوميټره اوږد دا سړك د ملتان- شجاع آباد- جلال پور پيروالا- اچ شريف- ترنډه محمد پناه د سړك برخه دے۔ په سوئيلي پنجاب كښې د دې سړك اپ ګرېډشن او بحالې سره به په قومي لويه لار اېن فائيو د ټرافيك فشار هم كم شي۔ د پروژې ترسره كېدو سره به د تګ راتګ اسانيې ښې شي او ورسره به تجارې چارې زياتې شي او د سفر وخت به كم شي۔ دې پروژې سره به د روزګار موقع پېدا شي او غربت به كم شي٬ د سيمې د كركيلې پېداوار به منډې ته په اسانه ورسي۔ د سوئيلي پنجاب سيمه د هېواد شمالي لويديزو او جنوبي سيمو لپاره د سنګم حيثيت لري۔ دا سيمه د پومبې مهم مركز دے٬ اوسني حكومت د دې سيمې پرمختګ لپاره يو شمېر اقدامات كړي دي۔ حكومت په دې سيمه كښې مجموعي پرمختګ په نظر كښې ساتلو سره د 142 كلوميټره د سړك بهترې او بحالې پروژه پېل كړه چې د جلال پور پيروالا اچ شريف سېكشن پرانسته ئې نن كېږي۔ د كراچې څخه لاهور او پېښور ته تلونكې ټرافيګ او د بلوچستان څخه د ډېره غازي خان په لار ملتان ته تلونكې تجارتي ټرافيك به هم دا لا استعمال كړې شي۔ د دې نه علاوه د كراچې- پېښور موټروے په پروژه هم كار روان دے چې له مخې ئې په سوئيلي پنجاب كښې د موټروېز پروژې ترسره كولې شي۔ د لاهور نه تر عبدالحكيم د مورټروے په پروژه په تندې سره كار روان دے۔ دغسې د ملتان سكهر پھ موټروے هم كار په تندې سره روان دے۔ د فېصل آباد ملتان موټروے هم جوړېږي۔ دغسې د سي پېك په يو شمېر پروژو كار ترسره شوے او په پاتې پروژو په تندې سره كار روان دے۔ د سي پېك په نتيجه كښې به پاكستان د تجارتي مركز حيثيت اختيار كړي چې ورسره به د هېواد معيشت قوي شي او د خلقو د ژوند معيار به لوړ شي۔
وزيراعظم شاهد خاقان عباسي به نن د جلال پور پيروالا- اچ شريف سېكشن پرانسته كوي
وزيراعظم شاهد خاقان عباسي به نن د جلال پور پيروالا- اچ شريف سېكشن پرانسته كوي | APP Pashto service
