اسلام آباد 26 اکتوبر(اے پی پی)د سائنس او ټېكنالوجۍ وفاقي وزير او د وفاقي حكومت د جوړې كړې د سېلاب ځپليو رېليف مانيټرنګ كمېټۍ غړي آغا حسن بلوچ وئېلي دي وفاقي حكومت د سېلاب ځپليو سيمو د بحالۍ هڅې ٬ د وزيراعظم د بلوچستان دورې او مالي مرسته د ستائنې وړ ده خو د هېواد تر ټولو لويه صوبه كښې چرته چې د بارانونو او سېلاب له امله 45 فيصده فصلونو٬اناج او 30 فيصد باغونو ته زيان رسېدلے او چرته چې روډ انفراسټركچر او املاك متاثره شوي هلته بحاۍ ته په سمدستي توګه د لوي مالي مرستې ضرورت دے۔د شورو په ورځ په يو بيان كښې وفاقي وزير ووئيل په بلوچستان كښې د يخښنۍ موسم پیل كېدونكے دے كوم به چې د وړاندې نه د بدحاله اولس په ستونزو كښې اضافه وكړي٬د څاروو په لويه شمېره كښې د مرګونو څخه ژوندو څاروو كښې د وبا اندېښنه زياته شوې۔ده ووئيل جهل مګسي٬لسبيله٬خاران٬قلعه سېف الله او پشين ضلعې تر ټولو زياته ځپلې شوي۔وفاقي وزير ووئيل وزيراعظم د برېښنا د بلونو په مد كښې د رېليف 2 مياشتو اعلان كړے وؤ خو د ځپليو د املاك زيان تر مخه دې دا آسانۍ يو كال لپاره پراخه كړې شي۔
سېلاب ځپليو ته د برېښنا بلونو كښې د رېليف وركولو موده دې پراخه كړې شي۔د سائنس او ټېكنالوجۍ وفاقي وزير اغا حسن بلوچ
سېلاب ځپليو ته د برېښنا بلونو كښې د رېليف وركولو موده دې پراخه كړې شي۔د سائنس او ټېكنالوجۍ وفاقي وزير اغا حسن بلوچ | APP Pashto service
