اسلام آباد 28 دسمبر (اے پي پي)وزيراعظم محمد شهباز شريف او د بحرين شاه حمد بن عيسٰی الخليفه په ګڼ اړخيزه فورمونو د دواړو هېوادونو ترمينځه په نزدې مرسته د اطمينان څرګندونه كولو سره نزدې رابطې برقار ساتلو او د شريكې خوښې په ټولو چارو په ګډه كار كولو ته اتفاق كړے۔د شورو په ورځ د وزيراعظم آفس مېډيا ونګ لخوا جاري شوي بيان له مخې وزيراعظم محمد شهباز شريف د بحرين شاه حمد بن عيسٰی الخليفه سره په ټېليفون خبرې كړي۔وزيراعظم د بحرين شاه حمد بن عيسٰی الخليفه د جنورۍ په 9مه نېټه كال 2023 په جنيوا كښې د كېدونكي كلائميټ ریزیلینټ پاكستان نړيوال كنفرنس نه خبر كړو او په دې كنفرنس كښې د بحرين څخه د اعلٰی كچ ګډون خواست ئې وكړو۔شاه حمد بن عيسٰی الخليفه په پاكستان كښې د موسمياتي سېلاب نه پس بيا رغونې او بحالۍ اقدامات وستائېل۔وزيراعظم ووئيل پاكستان بحرين سره د ملګرتيا او تاريخي اړيكو ته ډېر اهميت وركوي۔دواړو لارښودو په ګڼ اړخيزه فورمونو د دواړو هېوادنو ترمينځه په نزدې مرسته د اطمينان څرګندونه وكړه۔دواړو لارښودو نزدې رابطه په ځاې ساتلو او د شريكې خوشې په ټولو چارو په ګډه كار كولو ته اتفاق هم وكړو۔
د وزيراعظم محمد شهباز شريف د بحرين شاه حمد بن عيسٰی الخليفه سره ټېليفوني تماس
د وزيراعظم محمد شهباز شريف د بحرين شاه حمد بن عيسٰی الخليفه سره ټېليفوني تماس | APP Pashto service
