د سعودي ولي عهد او دفاع وزير شهزاده محمد بن سلمان د پاكستان دورې په بشپړېدو شريكه اعلاميه

اسلام آباد 18 فروری (اے پی پی) پاكستان او سعودي عربستان دوه اړخيزه تجارت٬ د سرمايه كارۍ او كاروبار له په اولسي كچه اړيكو ته د ودې وركولو او قوي اقتصادي همكارۍ لپاره د نجي څانګې ډاډګيرنې ته سلا شوي دي ۔ د سعودي ولي عهد دوهم وزيراعظم او دفاع وزير شهزاده محمد بن سلمان د پاكستان دورې په بشپړېدو شريكه اعلاميه جاري كړی شوې۔د اعلاميې له مخې د سعودي ولي عهد شهزاد محمد بن سلمان د وزيراعظم عمران خان په بلنه د اعلٰی كچ پلاوي سره د پاكستان دوه ورځنۍ سركاري دوره وكړه۔په پلاوي كښې د هغه سره وزيران او كاروباري شخصيات هم ملګري وو۔د دورې په مهال دواړو هېوادونو دوه اړخيزه اړيكو په اړه د خپل عزم پخلې وكړو۔وزيراعظم عمران خان د خادم الحرمين الشريفين شاه سلمان بن عبدالعزيز السعود قيادت او د هغه د حكومت لپاره هڅې او په خاص توګه د حاجيانو لپاره خذمات وستائېل۔وزيراعظم د ولي عهد شهزاده محمد بن سلمان د پرمختګ او سرمايه كارۍ لپاره وژن هم وستائېلو او هيله يې څرګنده كړه چې په سعودي كښې وژن 2030 ترمخه به پرمختګ او څوكالۍ كښې تندي راشي۔د اعلاميې له مخې د سعودي ولي عهد د وزيراعظم پاكستان اسلامي٬سماجي او اقتصادي اصولو اډانه د فلاحي رياست جوړولو تږ لاره وستائېله او د سعودي عرب د اړخه يې د بشپړه مرستې باور وركړو۔دواړو هېوادونو ترمينځه د خبرو اترو په مهال د مرستې په ټولو څانګو كښې د دوه اړخيزه اړيكو قوي كولو عمل وستائېلې شو۔په دې مهال د ملګرتيا په چاپیرچل كښې په بېلو چارو خبرې اترې وشوې او ډلو د دواړو هېوادونو ترمينځه د قيادت په كچ د رابطو استحكام باندې د اطمينان څرګندونه وكړه۔په خبرو اترو كښې پاكستان د سعودي عرب د اړخه په ټوله نړۍ كښې مسلمانانو له د پېښو مسئلو حل له مثبت كردار وستائېلو۔په اعلاميه كښې وئېلي شوي سعودي عرب هم په اسلامي نړۍ كښې د پاكستان مهم پوزېش او سيمه ايز امن او سلامتيا له هڅې وستائېلې۔ډلو په دوه اړخيزه دفاعي او سلامتيا په قوي اړيكو د اطمينان څرګندونه وكړه۔سعودي عرب او پاكستان د اړخه د انتهاخوښۍ او ترهه ګرۍ په ضد جنګ روان ساتلو له د عزم پخلې وشو۔د ترهه كرۍ په ضد جنګ كښې د دواړو هېوادونو د اړخه قربانۍ او ترلاسه شوې كاميابۍ وستائېلې شوې۔دوي د ترهه كرۍ په ضد جنګ كښې شهيدانو ته د عقيدت پیرزوئنې وړاندې كړې او په نړيواله ورورولۍ يې زور راوړو چې د نړيوالې ترهه ګرۍ په ضد به ذمه وارۍ ترسره كولې شي۔دواړو هېوادونو د ملګرو ملتونو نظام سياسي جوړولو څخه د ډډې كولو په حاجت هم زور راوړو۔د شريكې اعلاميې له مخې دواړو هېوادونو په مينځني ختيز كښې عرب امن اقدام د فلسطيني اولس جائزو حقونو ترلاسه كولو له هيله څرګنده كړه۔خبرو اترو په مهال ولي عهد شهزاده محمد بن سلمان د وزيراعظم عمران خان د اړخه هند سره د خبرو اترو لپاره څرګندونې او په دې اړه هڅې وستائېلې۔ده د كرتارپور كراسنګ پوائنټ پرانستلو اقدامات ستائېلو سره ووئيل سيمه كښې امن او استحكام او د مسئلو حل له خبرې اترې يوازنۍ لار ده۔ډلې افغانستان كښې د مسئلې سياسي حل او امن او استحكام ته د ودې وركولو اهميت ته سلا شوې ٬ دغسې چې پھ ګاونډيانو هېوادونو كښې مېشته افغان كډوال خپل هېواد ته ستانه شي او د هېود امن او پرمختګ لپاره كردار ترسره كړي۔په دې موقع سعودي عرب د پاكستان د اړخه د كډوالو په كوربتوب كولو او نور اقدامات وستائېل۔د اعلاميې له مخې په بېلو څانګو كښې دوه اړخيزه اړيكو ته د ودې وركولو په تناظر كښې دواړو هېوادونو د سعودي او پاكستان ترمينځه د شريك سپريم كوآرډينېشن كونسل جوړولو پريكړه وكړه۔د كونسل مشري به د سعودي عرب د اړخه ولي عهد او د پاكستان د اړخه وزيراعظم په شريكه كوي۔د كونسل غونډې به په دواړو هېوادونو كښې كېږي۔په دې مهال دواړه هېوادونه شريك تجارت٬سرمايه كارۍ او د اولس او سوداګرو ترمينځه رابطو ته د ودې وركولو په لړ كښې د ټولو وسائلو كارولو ته سلا شول۔د تجارت او كاروبار لپاره شريك كمېشن كوم چې اوس د سعودي عرب پاكستان سپريم كوآرډينېشن برخه ده٬په خاص څانګو كښې او د مصنوعاتو په اړه دوه اړخيزه تجارت ته آسانۍ وركوي۔د سعودي ولي عهد شهزاده محمد بن سلمان او وزيراعظم عمران خان اقتصادي اړيكو قوي كولو له د ګڼو لوظ نامو او مفاهم په يادښتونو د لاس ليك دستوره كښې ګډون وكړو۔په مجموعي توګه به 20 اربه ډالره څخه زياته سرمايه كاري كولې شي چې ورسره به د دواړو هېوادونو ترمينځه شريكه سرمايه كاري او تجارت زيات شي۔وزيراعظم سعودي له د پاكستان اقتصادي نمو او پرمختګ كښې د شراكتدار جوړیدو بلنه وركړه۔د سعودي ولي عهد د وزيراعظم عمران خان په هېواد كښې اقتصادي او سماجي پرمختګ له هڅې وستائېلې او په دې خبره يې زور راوړو چې د چين پاكستان اقتصادي راهدارۍ پروژه لويې اهميت لري كومه به چې د سيمې پرمختګ او څوكالۍ كښې كردار ترسره كړي۔اعلاميې له مخې دواړو هېوادونو امن ته ودې وركولو او د مذهبونو ترمينځه همغږۍ له د بېلو مذهبونو پيروكارو ترمينحه خبرو اترو٬شريك عزت او مفاهمت ته د ودې وركولو په حاجت زور راوړو۔ده ټوله نړۍ كښې د مسلمانانو په ضد ظلمونو او د بشري حقونو خلاف ورزو غندنه وكړه۔د دوه ورځنۍ سركاري دورې په آخر د سعودي ولي عهد شهزاده محمد بن سلمان د وزيراعظم عمران خان د اړخه په مېلمستياﺀ كولو او د هغه د ورورولۍ په جذباتو مننه وكړه۔په دې موقع وزيراعظم عمران خان د خادم الحرمين الشريفين شاه سلمان بن عبدالعزيز لپاره د نيكو هيلو څرګندونه وكړه او په سباؤن كښې يې د هغه د پاكستان دورې په اړه هيله څرګنده كره