اسلام آباد 17 اپریل (اے پی پی) قامی اسمبلۍ كښې د مخالفې ډلې مشر سید خورشید احمد شاہ وئيلي دي د لنډ مهاله وزیراعظم پريكړه به زه او وزیراعظم كوو، كوم بل څوك نه، د تحریك انصاف مجوزہ نامې د میډیا د لارې ما ته رارسيدلې ، اوس د تحریك انصاف سره د لنډ مهاله وزیراعظم په معامله ناستې ته حاجت پاتې نشو، پیپلز ګوند تل د سیاسی قوتونو سره په خبرو اترو باور لري، د مسلم لیګ (ن) پشمول د كوم هم سیاسی ګوند لپاره د خبرو اترو دروازې بندې نه دي، بايد د رايو په څرګندونه بندیز ونه لګولې شي، په جمهوریت او آمریت كښې همدغه فرق دے۔ د نهې په ورځ پارلیمنټ هاؤس كښې د ميډيا نمائندګانو سره په خپلو خبرو كښې ده ووئيل د قانون له مخې د لنډ مهاله وزیر اعظم غوره كول د وزیراعظم او د مخالفې ډلې د مشر ذمه واري ده۔ زه په دې اړه په ذاتی توګه ټولو سره په ګډه تلل غواړم۔ ده ووئيل حكومت ته مو وئيلي دي بايد تر 15 مئی د لنډ مهاله وزیراعظم نامه فائنل كړې شي۔ د يوې پوښتنې په ځواب ده ووئيل د تحریك انصاف د اړخه د لنډ مهاله وزیراعظم نامې په اعلانولو حیران شوې يو حالانكه په دې اړه د تحریك انصاف د لارښودو سره مشاورت روان ؤ خو هغوي نامې اعلان كړې، ده ووئېل د تحریك انصاف مجوزہ نامې د میډیا د لارې مونږ ته رارسيدلې، اوس د تحریك انصاف سره د لنډ مهاله وزیراعظم په معامله خبرو اترو ته حاجت پاتې نشو۔ ما پخپله د تحریك انصاف سره په دې معامله تماس نيولې ؤ هغوي په دې اړه كومه رابطه نه ده كړې۔ ده ووئيل بايد د رايو په څرګندونه بندیز ونه لګولې شي، په جمهوریت او آمریت كښې هم دغه فرق دے۔د يوې پوښتنې په ځواب ده ووئيل سیاست كښې يو وخت داسې هم ؤ كله چې زمونږه لارې بندې كړې شوې۔ بايد په اوسني صورتحال كښې په سوچ پريكړې وكړې شي۔
د لنډ مهاله وزیراعظم پريكړه به زه او وزیراعظم كوو
د لنډ مهاله وزیراعظم پريكړه به زه او وزیراعظم كوو | APP Pashto service
