لاهور ۔19مئی(اے پی پی) وزیراعظم شهباز شریف په کرغزستان كښې د پاکستان سفیر حسن علی ضیغم سره ټېلېفوني تماس نيولو سره كرغزستان څخه د پاكستاني زده كوؤنكو بېرته رارسولو له د خصوصي الوتكې په اړه د ضروري انتظاماتو كولو هدايت وكړو۔ د وزیراعظم په هدایت د خصوصی الوتكې ټول مصاريف به حكومت ادا كوي۔ د وزیراعظم آفس میډیا ونګ څخه د جاري شوي بيان له مخې د وزيراعظم په هدايت به دا خصوصي الوتكه نن د اتوار په ورځ ماښام بشكيك كرغزستان لپاره روانېږي او 130 پاكستاني زده كوؤنكي راوړلو سره به د شپې پاكستان ته رارسي۔ وزیراعظم پاكستاني سفير ته هدايت وكړو چې په كرغزستان كښې مېشته زده كوؤنكو او د دوئي كورنيو سره رابطه كښې پاتې شي ، ژوبل شوي پاكستاني زده كوؤنكي دې په ترجيحي بنيادونو پاكستان ته راورسولې شي ، داسې زده كوؤنكي كومو سره چې د هغوي د كورنۍ كسان په كرغستان كښې مېشته دي د هغوي هېواد ته د رارسولو انتظام دې هم په ترجيحي بنيادونو وكړے شي۔ پاکستانی سفیر وزیراعظم كرغز نائب خارجه وزير امنګازیف الماز سره د خپل ملاقات په اړه خبرولو سره ووئيل چې كرغز حكومت وئيلي دي چې په حالاتو په بشپړه توګه قابو موندلے شوے دے٬ تېره شپه او نن د كوم تشدد پېښه نه ده رامخې ته شوې٬ امنيت ټينګ كړے شوے ٬ پاكستاني او نور بهرني زده كوؤنكي محفوظ دي۔ وزیراعظم هدايت وكړو چې د حالاتو د معمول له مخې كېدو باوجود كه كوم طالب علم هېواد ته راتلل غواړي نو هغه ته دې هر ډول سهولت وركړے شي۔ دلته دا خبره د يادونې وړ ده چې ځينې پاكستاني زده كوؤنكي نن د دوه كمرشل پروازونو د لارې هم كرغزستان څخه پاكستان ته رارسېدلې دي۔
د وزيراعظم شهباز شريف په كرغزستان كښې پاكستاني سفير سره ټيليفوني تماس٬ د پاكستاني زده كوؤنكو هيواد ته رارسولو له د ضروري انتظاماتو هدايت
د وزيراعظم شهباز شريف په كرغزستان كښې پاكستاني سفير سره ټيليفوني تماس٬ د پاكستاني زده كوؤنكو هيواد ته رارسولو له د ضروري انتظاماتو هدايت | APP Pashto service
