اسلام آباد ۔ 28جولائی (اے پی پی) د اطلاعاتو ٬ خپرونو ٬ قامي تاريخ او ادبي ورثې وفاقي وزير بېرسټر سيد علي ظفر ټول هېواد كښې د سوليزو او په ټاكلي وخت د ټولټاكنو په كېدو اولس ته مباركي وركولو سره وئيلي دي په حتمي توګه د كال 2018ﺀ په ټولټاكنو كښې بريا د پاكستاني اولس ده۔ د کامیابو كانديدانو د نوټيفكېشن جاري كېدو څخه سمدستي وروستو به د قامي او صوبائي اسمبليو غونډې راوبللې شي۔ د وزیر اعظم او اعلی وزيرانو ټاكل كېدو څخه ورستو به نګران حكومتونه خپله وظيفه ترسره كړي۔چا چې د ټاكنو څخه وړاندې د ټګۍ خبره كوله دوئي ته هم پاكستاني اولس د خپلو ووټونو د لارې ځواب وركړې۔ د اولس د پرېكړې ترمخه به وفاق او څلورو واړو صوبو كښې د ټاكليو حكومتونو جوړولو عمل پېل شي۔ د مېرمنو كمه شمېره كښې د ګډون په سبب د دير ضلعې په يوه حلقه كښې د بيا ټاكنو كېدل د ټاكنو عمل كښې د مېرمنو ګډون باوري كول دي۔ د خالي په ورځ خپل بيان كښې ده ووئيل پاكستاني اولس ته په ټول هېواد كښې د كاميابو ٬ سپېځلو او په خپل ټاكلي وخت د ټاكنو په كېدو د لنډ مهاله وزيراعظم او دده د كابينې لخوا مباركي وړاندې كوم۔ دغسې ټولو ټاكل شويو كانديدانو ته هم مباركي وړاندې كوم۔ اوس د هېواد سباؤن او پرمختګ د دوئي په لاسونو كښې دے۔ كوم كانديدان چې ټاكلې شوي نه دي ټاكنو كښې د دوئي د ګډون كولو او د جمهوري عمل مضبوطولو هم ستائنه كوم۔ ده ووئيل دې ټاكنو كښې د مېرمنو ګډون د ذكر وړ خبره ده۔ په هغه لرې پرتو سيمو كښې مېرمنو د ووټ خپل حق وكارولو چرته چې د مېرمنو د ټاكنو عمل كښې د ګډون كولو ډاډګيرنه نه كېږي۔ ده ووئيل په مجموعي توګه ټاكنې په سوليز چاپېرچل كښې وشوې۔ ده ووئيل پېښور ٬ مستونګ، ډی آئی خان او کوئټه كښې د ترهګرۍ رامخې ته شويو پېښو غندنه كوؤ۔ ده ووئيل د ټاكنو په سوليز ډول ترسره كېدو كښې سول انتظامیې، پولیس، ایف سی،قانون نافذ كوؤنكو ادارو او پاك پوځ مهم كردار ترسره كړو۔ ده ووئيل د حكومت جوړول به د آئيني تګلارې ترمخه وي۔ اول به د ټاكنو عمل نتيجې پايې ته رسولې شي۔ بيا به سركاري نوټيفكېشن كولې شي۔ دې څخه وروستو به د قومي او صوبائي اسمبليو غونډې رابللې شي۔ د سپیکرز، دوهم سپيكرز ټاكنې څخه وروستو به د وزيراعظم او اعلی وزيرانو ټاكنه كېږي۔ هم په دغه ورځ به لنډ مهاله حكومت خپل فرض ترسره كړي۔
د اطلاعاتو او خپرونو وفاقي وزير بېرسټر سيد علي ظفر د راروانې حكمت عملۍ په اړه بيان
د اطلاعاتو او خپرونو وفاقي وزير بېرسټر سيد علي ظفر د راروانې حكمت عملۍ په اړه بيان | APP Pashto service
