اسلام آباد 08 مارچ (اے پی پی) د بهرنيو چارو وزیر مخدوم شاہ محمود قریشی وئيلي دي سره د سماجی او معاشی ستونزو زمونږ ميرمنو په قامی او نړيواله كچه خپل صلاحیتونه كارولې او ښې کامیابۍ ئې ترلاسه كړې دي ۔ د سیاسی میدان نه تر وسله والو ځواكونو ٬ لوبو او سېلګرۍ د ژوند په ټولو څانګو كښې زمونږه ميرمنې بشپړ كردار ترسره كوي۔ د ميرمنو نړيوالې ورځ پھ موقع خپل يو پيغام كښې خارجه وزير ووئيل نن مونږ په ټوله نړۍ او په خاص توګه پاکستان كښې د ميرمنو په بيلو څانګو كښې د ښو کامیابیو او کارنامو اعتراف کوو۔ د پاکستان ميرمنو د خپل كلك عزم او پرله پسې هڅو سره نړۍ كښې خپل شناخت جوړ كړې۔ خارجه وزير ووئيل مادر ملت محترمه فاطمه جناح په قیادت كښې زمونږ مېرمنو د پاكستان تحریك كښې تاریخی کردار ترسره كړې۔ بينظیر بھټو دوه ځله د پاکستان وزیراعظمه جوړه شوې چې ورسره پاکستان په نړيواله كچه يو مثبت تشخس ترلاسه كړې۔ ده ووئېل عاصمه جهانګیر د بشري حقونو علمبردارې او د حکومت يو ښه ناقدې په توګه كردار ترسره كړې۔ده ووئيل ملاله یوسف زئی د تعلیم په اړه هېواد له په ټوله نړۍ كښې يو نوې شناخت وركړې او د علم تحریك ئې پيل كړې۔ده ووئېل 23 كلنې ثمینه د نړۍ په تر ټولو لوړه غونډۍ ماؤنټ ایورسټ د پاکستان بيرغ هسك كړې او يو نوې تاريخ ئې جوړ كړې۔ د بهاولپور عائشه فاروق فائټر جیټ الوزولې او د پاك فضائیه برخې په توګه ئې د پاکستانو ميرمنو جذبه زياته كړې۔خارجه وزير ووئيل د پاکستان ميرمنو د ژوند په ټولو څانګو كښې پخپل همت يو مقام جوړ كړې۔ پريكړو كولو او په هغې عمل درآمد كښې هم ميرمنو د قدر وړ خذمات ترسره كوي۔ شاه محمود قرېشي ووئيل حکومت د تعلیم پشمول ميرمنو له د ټولو حقونو وركولو او د هغوي تحفظ له په زړه پورې هڅې كوي۔ دغسې ميرمنو له په ټولنه كښې د هغوي حقیقی مقام وركولو له به حکومت خپلې هڅې روانې ساتي
سره د سماجی او معاشی ستونزو زمونږ ميرمنو په قامی او نړيواله كچه خپل صلاحیتونه كارولې او ښې کامیابۍ ئې ترلاسه كړې، مخدوم شاہ محمود قریشی
سره د سماجی او معاشی ستونزو زمونږ ميرمنو په قامی او نړيواله كچه خپل صلاحیتونه كارولې او ښې کامیابۍ ئې ترلاسه كړې، مخدوم شاہ محمود قریشی | APP Pashto service
