اسلام آباد/ابوظهبي 21 دسمبر (اے پي پي)متحده عرب اماراتو پاكستان سره د درې اربه ډالرو د مالي مرستې كولو پريكره كړې او د متحده عرب اماراتو د دې اعلان نه پس وزيراعظم عمران خان د آزمېښت په وخت كښې د پاكستان د زړه د اخلاص په مرسته د متحده عرب اماراتو مننه كړې۔د ابوظهبي د پرمختګ فنډ لخوا جاري شوې اعلامې له مخې درې اربه ډالر به د پاكستان سټېټ بانك ته منتقل كړې شي۔د دې مقصد پاكستان سره مالي مرسته كول دي۔د متحده عرب اماراتو خبر رسنې ادارې وام له مخې په راتلونكو ورځو كښې به دا رقم منتقل كړې شي چې ورسره به د پاكستان د زرمبادله د ذخيرو په بهترۍ كښې مرسته وشي۔په بيان كښې وئېلې شوي دي چې د دې مالي مرستې پريكړه د دواړو وروڼو هېوادونو پخوانۍ اړيكې او تاريخي عوامي مرسته په نظر كښې ساتلو سره شوې۔دې اړيكو او مرستې ته به په نورو څانګو كښې هم وده وركولې شي٬ابوظهبي فنډ د وړاندې نه په پاكستان كښې د توان٬روغتيا٬تعليم او د انفراسټركچر څانكې 8 پرمختيائي پروژو لپاره يو نيم ارب درهم وركړي دي٬په دې كښې 93 كروړه درهم د ګرانټ په شكل كښې وركړې شوې دي۔بل خوا د پاكستان وزيراعظم د آزمېښت په دې وخت كښې د پاكستان په مرسته كولو د متحده عرب اماراتو د حكومت مننه كړې۔د جمعې پھ ورځ په خپل ټوېټ كښې وزيراعظم ووئيل چې دا اقدام د كلونو راهيسې زمونږ د پائيدار دوستۍ او عزم عكاسي ده۔(
وزيراعظم عمران خان د آزمېښت په وخت كښې د پاكستان د زړه د اخلاص په مرسته كولو د متحده عرب اماراتو مننه وكړه
وزيراعظم عمران خان د آزمېښت په وخت كښې د پاكستان د زړه د اخلاص په مرسته كولو د متحده عرب اماراتو مننه وكړه | APP Pashto service
