اسلام آباد ۔ 15 فروری (اے پی پی) د پټروليم ډويژن وفاقي وزير غلام سرور خان وئيلي دي د سعودی عربستان ولي عهد شهزاده محمد بن سلمان دوره د پاكستان معاشي پرمختګ ٬ دوه اړخيزه اړيكې لا مضبوطولو او سرمايه كارۍ لپاره ډېره مهمه ده۔ ټول قام به سعودي ولي عهد شهزاده محمد بن سلمان ته تود هركلې وائي۔ د دورې په مهال به د آئل ريفائنري ٬ پيټرو كېميكلز كپلېكس او د معدنيات څانګه كښې د 10 اربه ډالرو نه زياتې سرمايه كارۍ لپاره د مفاهمت يادښتونه لاس ليك كېږي۔ وزیراعظم د سعودي عربستان او يمن ترمينځھ د ثالثۍ كردار ترسره كولو وړاندېز كړې۔ دغسې پاكستان د ايران او سعودي عربستان اړيكې د معمول ترمخه كولو له خپل كردار ترسره كولو له هم چمتو دے۔ راروانه مياشت كښې به د ملائيشيا وزيراعظم د پاكستان دوره كوي۔ قطر اضافي اېل اېن جي راكولو له چمتو دے۔ د ګاز بلونو كښې د زياتوالي آډټ روان دے۔ سلېبز ته بيا كتنه كولې شي۔ د دې خيالاتو څرګندونه ده د جمعې په ورځ خبريالانو سره غېر رسمي خبرو كښې وكړه۔ غلام سرور خان ووئيل پاكستان د ترهګرۍ په ضد جنګ كښې د اولني صف هېواد په توګه كردار ترسره كړې او د امنيتي اهلكارو په شمول ئې د 70 زره ځانونو قرباني وركړې ده۔ اوس هېواد كښې ترهګري تر ډېره حده ختمه كړې شوې۔ ده ووئېل پاكستان يو سولييز هېواد دے ۔ طالبانو سره د امريكا مذاكراتو لپاره پاكستان خپل كردار ترسره كوي۔ افغانستان كښې امن لپاره هم زمونږ كردار ډېر مهم دے۔ ده ووئېل د ايران او سعودي عربستان ترمينځھ اړيكې د معمول ترمخه كولو له مهم كردار ترسره كولې شو۔ د فرورۍ په 16 او 17 مه نېټه سعودي ولي عهد د پاكستان دوره كوي۔ په 18 مه نېټه به د طالبانو پلاوې وزيراعظم سره ملاقات كوي۔ ده ووئيل تېره مياشت د متحده عرب امارات ولي عهد پاكستان ته راغلې وو او د روانې مياشتې په مهال د سعودي ولي عهد راځي۔ مارچ كښې به د ملائیشیا وزیراعظم د پاکستان دورہ كوي۔ ده ووئيل سعودي عربستان زمونږ په 1200 كلوميټره ساحلي پټۍ هم بېلو منصوبو كښې سرمايه كاري له خوښي ښكاره كړې ۔ ده ووئيل سعودی مونږ ته د 20 كروړو په موخر ادائيګۍ د تېلو آساني راكوي او درې كالو لپاره دا روپۍ 9 ارب 60 کروړ ډالره جوړېږي۔ ده ووئيل آئل ريفائنري جوړېدو سره به مونږ ته د كال په سر د تېل په درآمدي بل د يو ارب نه د زياتو ډالرو بچت اوشي چې ورسره به معيشت هم ښه شي
ټول قام به د سعودي ولي عهد شهزاده محمد بن سلمان تود هركلې كوي
ټول قام به د سعودي ولي عهد شهزاده محمد بن سلمان تود هركلې كوي | APP Pashto service
