پېنډۍ 29 دسمبر (اے پي پي) د کرم ضلعې په اراولي سيمه كښې د ترهګرو او د پوځ ترمېنځه د ډزو په تبادله كښې انتهائي مطلوب دوه ترهګر وژلې شوي او د پاك پوځ درې ځوانان شهيدان شوې دي ۔ د آئي اېس پي آر له مخې په 29م دسمبر په اراولي سيمه كښې د ترهګرو او پوځ ترمېنځه د ډزو په تبادله شوې٬ پاك پوځ په مړانه د دوي مقابله كړې او په موثره ډول ئې د ترهګرو ژالې په نخښه كړي چې په نتيجه كښې ئې دوه ترهګر ووژل شول او وسله او ګوله بارود ترې برآمد كړے شول۔ وژلې شوي ترهګر په امنيتي اهلكارو بريدونو كښې ككړ وٶ۔ په دې مهال د ډزو په تباله كښې صوبيدار شجاع محمد (عمر 43 كاله خيرپور)، نائيك محمد رمضان (عمر 32 كاله خضدار) او سپاهي عبدالرحمان (عمر 30 كاله د سکھر اوسېدونكے شهيدان شوي٬ په سيمه كښې د ترهه ګرو خاتمې لپاره كليئرنس اپرېشن روان دے ۔ د آئي اېس پي آر له مخې پاك پوځ د ترهګرۍ لعنت د خاتمې عزم لري او زمونږ د مېړنو ځوانانو دا ډول قربانۍ زمونږ عزم لا قوي كوي
کرم ضلع٬ په اراولي سيمه كښې د ترهګرو او د پوځ د ډزو په تبادله كښې دوه ترهګر ووژل شول٬ د پاك پوځ درې ځوانان شهيدان شوي ۔ آئي اېس پي آر
کرم ضلع٬ په اراولي سيمه كښې د ترهګرو او د پوځ د ډزو په تبادله كښې دوه ترهګر ووژل شول٬ د پاك پوځ درې ځوانان شهيدان شوي ۔ آئي اېس پي آر | APP Pashto service
