اسلام آباد 09 جون (اے پي پي) صدر ډاكټر عارف علوي د اي كامرس اهميت په ډاګه كولو سره وئيلي دي د اېمازون په سېلرز لسټ كښې د پاكستان ګډون سره به د هېواد برآمدات زيات شي او ځوانانو لپاره به د ملازمتونو موقعې راپېدا شي، دې سره به د وړوكې او مېنځنې درجې د كاروباري ادارو نړيوال ماركيټ ته رسنه زياته شي. ده دا خبرې د شورو په ورځ د يو بريفنګ په مهال په خپله وېنا كښې وكړې. په دې موقع د انابلز چيف اېګزېكټو آفيسر ثاقب مظهر د اېمازون په سېلرز لسټ كښې د پاكستان د ګډون په تناظر كښې د پېدا كېدونكو موقعو په اړه بريفنګ وركړو. په غونډه كښې ثاقب مظهر، د نيوټېك چيئرمېن سيد جاوېد حسن، د تجارت وزارت سينئر جوائنټ سېكرټري عائشه حمېرا مورياني، د بېلا بېلو اي كامرس ادارو سينئر غړو، د اېف بي آر، سټېټ بېنك استازو او اعلٰی چارواكو ګډون وكړو. په دې موقع د نيوټېك چيئرمېن سيد جاوېد حسن ووئيل د ده اداره د اي كامرس په څانګه كښې د ځوانانو تربيې لپاره موثر اقدامات كوي. صدر ډاكټر عارف علوي د اي كامرس څخه بشپړه استفاده كولو لپاره د تربيې په ضرورت زور راوړو. ده ووئيل اي كامرس ته وده وركولو لپاره دې اړوندې ادارې د برآمد كوونكو ستونزې لرې كولو لپاره مرسته وكړي. اړوندې ډلې دې د هېواد په برآمدات كښې زياتوالي لپاره د اي كامرس اړوندو ډلو ته اسانۍ وركړي او د دوي ډاډګېرنه دې وكړي. صدر ووئيل د اېمازون په سېلرز لسټ كښې د پاكستان ګډون سره به د هېواد برآمدات زيات شي، ځوانانو لپاره به د ملازمتونو موقعې به راپېدا شي، دې سره به د وړوكې او مېنځنې درجې د كاروباري ادارو نړيوال ماركيټ ته رسنه زياته شي. دغسې صدر په دې مهال د اي كامرس ودې لپاره د تجارت وزارت هڅې وستائيلې.
د اېمازون په سېلرز لسټ كښې د پاكستان ګډون سره به د هېواد برآمدات زيات شي . د صدر ډاكټر عارف علوي د بريفنګ اغستو په مهال خبرې
د اېمازون په سېلرز لسټ كښې د پاكستان ګډون سره به د هېواد برآمدات زيات شي . د صدر ډاكټر عارف علوي د بريفنګ اغستو په مهال خبرې | APP Pashto service
