اسلام آباد – 13 – جولاءِ (اي پي پي) وزيراعظم محمد شهباز شريف چيو آهي ته نصاب ڪنهن به تعليمي انفراسٽرڪچر ۾ ڪرنگهي جي هڏي جي حيثيت رکي ٿو. پنهنجي ٽوئيٽ ۾ هن چيو ته پاڪستان جي آئين ۽ ڪمپيوٽر ڪوڊنگ کي پنهنجي قومي نصاب ۾ شامل ڪري، اسان پنهنجي ايندڙ نسل جي لاءِ پنهنجي حقن ۽ ذميوارين کي چڱي طرح سان ڄاڻڻ جو بنياد رکيو آهي. هن چيو ته اسان جو تصور اهو آهي ته جڏهن اسان جا ٻار هن ملڪ جون واڳون سنڀاليندا ته اهي آئين سان گڏوگڏ انفارميشن ٽيڪنالاجي جي علم کان به چڱي ريت واقف هوندا. وزيراعظم شهباز شريف چيو ته سلمان صوفي جي سربراهي ۾ اسٽريٽجڪ ريفارمز يونٽ تعليم واري وزارت سان گڏجي انهن سڌارن جي قيادت ڪئي آهي ته جيئن ان ڳالهه کي يقيني بڻائي سگهجي ته اسان پنهنجي حڪومت جي مدي جي مختصر عرصي ۾ بامعنيٰ تعليمي سڌارن تي عملدرآمد کي يقيني بڻائي سگهون.
نصاب ڪنهن به تعليمي انفراسٽرڪچر ۾ ڪرنگهي جي هڏي جي حيثيت رکي ٿو: وزيراعظم محمد شهباز شريف
اسلام آباد – 13 – جولاءِ (اي پي پي) وزيراعظم محمد شهباز شريف چيو آهي ته نصاب ڪنهن به تعليمي انفراسٽرڪچر ۾ ڪرنگهي جي...
