اسلام آباد25اګست (اے پي پي) وزیراعظم عمران خان بهد پاکستان تحریك انصاف حکومت په درېو كالو ترسره كېدو د كرونا په لائحه٬ معيشت٬ تجارت، توان، زراعت او د اولسي خېرښګړې پشمول په نورو كليدي څانګو كښې بهترۍ لپاره حكومتي اقدامات او كاميابۍ رامخې ته كوي، په دې لړ كښې به(نن) د زيارت په ورځ په كنونشن سنټر كښې دستوره كېږي چې پكښې به د کامیابيو،چیلنجونو،هيلو او د سباٶن تګلارې په اړه د درېو كالو د حكومتي كاركردګۍ رپورټ(نن) اجراء كېږي چې پكښې به د نيا پاكستان وژن له مخې د عامو وګړو خېرښګړې او سهولت لپاره د ټولو وزارتونو او ډويژونونو د هلو ځلو او اقدامات احاطه كولې شي٬ درې كاله وړاندې د اګست په مياشت كښې په كال 2018م كښې پاکستان تحریك انصاف د وزیراعظم عمران خان په مشرۍ كښې پاكستان د مدينېرياست په طرز د يو فلاحي رياست جوړولو په عزم سره د حكومت نظم و نسق سنبهال كړے ؤ ٬ اګرچه د تېرو دولسو مياشتو په مهال د كرونا نړيوالې وباء او د دې څخه د رامخې ته شوې معاشي صورتحال له امله پاكستان تحريك انصاف ته ډېرې ستونزې رامخې ته شوي خو د پي ټي آئي حكومت د خپلو وړاندېنو دوو كالو كاركردګي برقرار ساتلې او ستونزې لرې كولو لپاره ئې خپله كاركردګي لا ښه كړې٬ د كرونا په سنګينو حالاتو كښې وزارتونو٬ څانګو او سركاري ادارو عامو وګړو ته هر ډول ممكنه ښه سهولتونه وركولو لپاره د تعطل نه غېر د زړه د اخلاصه كار كولو٬د حکومت د دريو كالو د كاركردګۍ 21-2018 رپورټ د اطلاعات او خپرونو وفاقي وزير چوهدري فواد حسېن په مشرۍ كښې د اطلاعات او خپرونو وزارت جوړ كړےاو په دې رپورټ كښې د كرونا وباء له امله د نړيوال اقتصادي كساد بازارۍ باوجود د موجودہ حکومت كاميابۍ او د كارنامو تفصيلات وړاندې كړے شوي٬ دا رپورټ 251 پاڼې لري چې پكښې د وزارتونو، ډويژونونو او د سرکاری څانګو پشمول د 44 سركاري ادارو وژن٬ كاميابۍ او د سباٶن د تګلارې خاكه وړاندې كړې شوې ۔ په رپورټ د هرې څانګې كاركردګۍ سره سره كليدي مقاصد٬ پېشرفت٬ د اوږدې مهاله لائحه٬ د قانون سازۍ پحقله پاليسي فرېم ورك او د بېلا بېلو منصوبو تفصيلات هم بيان شوي٬د رپورټ مواد د انفوګرافکس، اړوندوحقائقو او د شمېرو د لارې واضح كړے شوي۔په اګست كال 2018 كښې اقتدار ترلاسه كونكې د تحريك انصاف حكومت ته مالياتي عدم استحكام، غربت، تعلیم او د صحت په څانګو كښې د نشت برابر سهولتونو پشمول بېلا بېل چېلنجونه په ورثه كښې پاتې شوې خو د تېرو دريو كالو په مهال حكومت معاشی استحکام ، پرمختګ او اولسي مسئلي حل كولو لپاره ځانګړې كارنامې ترسره كړي٬ په خاص توګه د كرونا صورتحال كښې د سمارټ لاك ډاٶن به لائحه اختيارولو حكومت معاشي هلې ځلې بحال ساتلې۔ دلته دا خبره د ذكر وړ ده چې نړيوالې مجلې “دی اکانومسټ” پاکستان د كرونا وباء صورتحال مخنيوي په لړ كښې د ښې كاركردګۍ څرګندونه كوٶنكو دريو هېوادونو كښې شامل كړے ٬ په دې لړ كښې ګرد هېواد كښې د درې كروړه نه زياتو كسانو ته د كرونا نه بچ كېدو لپاره واكيسن وركول او د كرونا نه حفاظت لپاره په هېواد كښې د الاتو جوړولو كښې خود كفالت د موجوده حكومت مهمې كاميابۍ شمېرلې كېږي۔ موجودہ حکومت د كم آمدن لرونكو كسانو ته سهولت او دوي له ارزانه كورونه وركولو لاره نيا پاكستان هاٶسنګ پروګرام٬ د سماجي تحفظ لپاره احساس پروګرام او ځوانانو ته روزګار له مرستې لپاره كامياب جوان پروګرام غوندې مهمې منصوبې پېل كړي٬ هېواد كښې د توان حاجتونه ترسره كولو او د توان په څانګه كښې خود كفالت لپاره د متبادل توان ذريعو ته پاملرنه روانه ده٬ 60 كاله پس په وړومبي ځل د اوبو د لويو ذخيرو جوړولو عملي كار پېل شوے ٬ د قانون سازۍ په څانګه كښې د ټولنې بې وسه او كمزورو طبقو سهولت لپاره ضابطه ديواني بدلون اېكټ 2020٬ ٬ مېرمنو لپاره په جائيداد كښې د حقونو نفاذ لپاره اېكټ2020 او ليګل اېډ اېنډ جسټس اتهارټي اېل 2020 غوندې 54 قوانين منظور كړے شوي۔ دغسې دا رپورټد اولس معلوماتو لپاره د ډائریکټوریټ آف الیکټرانک میډیا اېنډ پبلیکیشنز په وېب پاڼه اچولے شوے
د کامیابيو،چیلنجونو،هيلو او د سباٶن تګلارې په اړه د درېو كالو حكومتي كاركردګۍ رپورټ به (نن) اجراء كېږي٬ وزیراعظم عمران خان به د حکومت كليدي كاميابۍ رامخې ته كوي
د کامیابيو،چیلنجونو،هيلو او د سباٶن تګلارې په اړه د درېو كالو حكومتي كاركردګۍ رپورټ به (نن) اجراء كېږي٬ وزیراعظم عمران خان به د حکومت كليدي كاميابۍ رامخې ته كوي | APP Pashto service
