اسلام آباد 02 دسمبر (اے پي پي) د قامي صحت وفاقي وزير عبدالقادر پټيل وئيلي دي په افغانستان كښې د 2.3 اربه روپو په لګښت جوړو كړو درېو روغتونونو لپاره پاكستان يو ارب روپۍ مرسته وركوي چې پكښې 50 كروړه روپۍ داروګانو لپاره مختص كړې شوي۔ د جمعې په ورځ د افغانستان د صحت وزير ته د داروګانو وركولو دستورې په مهال وفاقي وزير ووئيل په افغانستان كښې درې روغتونونه چې پكښې د 200 كټونو پشمول په كابل كښې جناح روغتون، د 60 كټونو په جلال آباد كښې نشتر روغتون او د 160 كټونو په لوګر كښې لغاري روغتون شامل دے چې ورله پاكستان يو ارب روپۍ مرسته وركوي۔ ده ووئيل اېم آر آئي، اېکسرے او د ډائيلاسز سامان هم وركړے شوے او د افغانستان 24 ډاکټرانو، 24 نرسانو او 21 ټيکنيشنز ته په پمز روغتون اسلام آباد كښې تربيه وركړې شوې او پنځلس ډاكټرانو ته په پېښور كښې تربيه وركړې شوې ۔ ده ووئيل افغانستان كښې د زلزلې په مهال د مرستې درې ټركونه لېږلې شوي او پنځه نن د جمعې په ورځ لېږلې شوي او درې ټركونه به په راتلونكې اوونۍ كښې لېږلې شي۔ ده ووئيل مونږ هڅه كوٶ چې افغانستان سره د دې نه هم زياته مرسته وكړو
افغانستان كښې درېو روغتونونو لپاره پاكستان يو ارب روپۍ مرسته وركوي۔ عبد القادر پټېل
افغانستان كښې درېو روغتونونو لپاره پاكستان يو ارب روپۍ مرسته وركوي۔ عبد القادر پټېل | APP Pashto service
