اسلام آباد 01 مارچ (اے پي پي) پاکستان د هندي چارواكو لخوا د جمو و كشمير په مسلم کنفرنس په بټ او سمجهي ډلو د بندېز لګولو او د جمو و كشمير په جماعت اسلامي په موجوده بنديز كښې د نورو پنځو كالو زياتولو د پرېكړې غندنه وكړه ۔ د خارجه دفتر وياندې ممتاز زهره بلوچ د جمعې په ورځ د پرېس برېفنګ په مهال ووئيل د دې پرېكړې نه وروستو د هند په غېر قانوني قبضه جمو و كشمير كښې اته كشميري سياسي ګوندونه غېر قانوني ګرځولې شوي۔ دې ووئيل د دې سياسي ګوندونو مشران او كاركنان هم ظلم او جبر سره مخ دي او دا جابرانه اقدامات د نړيوالو بشري حقونو او د انساني حقونو بشپړه خلاف ورزي ده ٬ دې ووئېل هند په غېر قانوني قبضه كړي جمو و كشمير كښې د اختلاف رائے او اظهار رائے د آزادۍ هلې ځلې غلې كولو په اړه د هند د ناوړه ارادې عكاسي كوي۔ وياندې ووئيل هند دې د كالعدم کشميري ګوندونو نه بنديزونه په سمدستي توګه پورته كړي٬ ټول سياسي بنديوان دې خوشې كړي او د جمو و كشمېر په اړه د ملګرو ملتونو د سلامتي كونسل په قراردادونو دې په سمدستي توګه عملدرآمد وكړي۔
پاکستان د هند لخوا د جمو و كشمير په مسلم کنفرنس د بندېز او د جمو و كشمير په جماعت اسلامي بنديز لا پنځو كالو لپاره د زياتولو پرېكړه وغندله
پاکستان د هند لخوا د جمو و كشمير په مسلم کنفرنس د بندېز او د جمو و كشمير په جماعت اسلامي بنديز لا پنځو كالو لپاره د زياتولو پرېكړه وغندله | APP Pashto service
