اسلام آباد 10 جولائي (اے پي پي) اطلاعات ا و خپرونو وفاقي وزير بېرسټر سيد علي ظفر وئېلي دي د انتهاخوښۍ لويې سبب د تعليم كمې٬غربت٬زياتېدونكې آبادي او مذهبي عدم برداشت دے٬پھ دې قابو موندلو لپاره اجتماعي هلو ځلو ته اړتيا ده۔ده د نهې په ورځ د بشري حقونو پاكستان قامي كمېسون سېمينار ته خطاب كولو۔ده ووئيل د هر رنګ او نسل خلق رياست ته يو برابر دي٬د مذهب په نوم انتهاخوښي د پاكستان نه د ټولې نړۍ مسئله ده۔ده ووئيل مونږ له شدت خوښي د انسانيت سره تړل نه دي پكار۔يو مذهب هم د بل مذهب سره د بې انصافۍ درس نه وركوي٬ټول مذهبونه د مينې او امن درس وركوي۔ده ووئيل د غربت او تعليم نشت والي سره ترهه ګري زياتېږي٬مونږ له خبرې نه څه كول پكار دي٬زمونږ مذهب مونږ له د مينې درس راكوي٬مونږ له به بنيادي مسائل وړومبې سمول وي۔ده ووئيل حكومت له د خلكو ښه والي لپاره اقدامات پكار دي٬وفاقي وزير ووئيل پاكستان كښې خلق په لاس وركولو يو بل ته دا احساس وركوي چې مونږ يو بل ته څومره نزدې يو۔ده ووئيل د بشري حقونو كميشن لپاره د حكومت ذمه واري ده چې هغه كمېشن خپلواكه كړي او د بشري حقونو لپاره كمېټو ته ټاكلې فنډز هم ورسوي ۔ده ووئيل مونږ له به د رنګ نسل تفرقې نه يوخوا سوچ كول وي٬د حكومت فرض دي چې د خلقو خذمت وكړي٬دوي له وخت وركړي او د دوي ښېګرې له چمتو اوسي۔بېرسټر علي ظفر ووئيل پخوا په پاكستان كښې څه خلق داسې هم رامخې ته شوي چا چې خپل ذاتي سوچ په نورو خلقو د مسلط كولو هڅه كړې خو داسې سوچ به اوس مخ په وړاندې تللو له ورنه كړې شي۔ ده ووئېل د دې لپاره به مونږ له خپل تعليمي نظام بدلول وي۔د اطلاعات وزير ووئيل پاكستان افغانستان كښې د جنګ نه پس استعمال كړی شو او لوېديز په دې وئېلو پاكستان يوازې پرېښود چې مونږ تاسو وكارولۍ او اوس مونږ ستنېږو۔ده ووئيل پاكستان يوازې د ترهه ګرو په ضد جنګ وكړو او كاميابي يې ترلاسه كړه٬اوس دا خبره باوري كول دي چې هغسې عناصر بيا سر پورته نه كړي۔ده ووئيل ټولنه كښې د زغم كلتور ودې له به مونږ خپل تعليمي نظام ښه كول وي۔د ادارو قوي كولو سره مو غوره نتائج ترلاسه كولې شو۔ده ووئيل په پولټيكل سائنس كښې يو تصور شته چې محدود حكومت پكار دے نو زه هم د دغسې تصور مرستياله يم٬حكومت د نورو مذهبي حقائق محدود كولې نه شي۔ده ووئيل يوه عدالتي پريكړه راغلې چې سول سرونټس له يو فارم وركړئ چې د مذهبي عقيدې په حقله ترې وپوښتنلې شي ٬ده ووئېل دا حق څوك نه لري چې د بل نه پوښتنه وكړي چې ته څه مذهب لرې٬دغه پريكړه چېلنج كول غواړي۔
د انتهاخوښۍ لويې سبب د تعليم كمې٬غربت٬زياتېدونكې آبادي او مذهبي عدم برداشت دے
د انتهاخوښۍ لويې سبب د تعليم كمې٬غربت٬زياتېدونكې آبادي او مذهبي عدم برداشت دے | APP Pashto service
