اسلام آباد 18 نومبر (اے پي پي) د اطلاعاتو ٬ خپرونو او قومي ورثه وفاقي وزير فواد حسېن چوهدري د تبليغي جماعت امير مولانا عبدالوهاب په مړينه خواشيني ښودلې۔ د اتوار په ورځ د غمرازې په پېغام كښې وفاقي وزير ووئيل چې مولانا عبدالوهاب په ټوله نړۍ كښې د اسلام ترويج او د پېغمبر اسلام ﴿ص﴾ د تعليماتو په خپرولو كښې ځانګړې مقام لري۔ ده په نړۍ ثابته كړې د محبت٬ برداشت او روحاني سكون د لارې په انساني سوچ او كردار كښې بدلون راوستل كېدې شي۔ مولانا عبدالوهاب په هغو سكالرانو او علما دين كښې شمېرل كېږي كومو چې خپل ټول ژوند د اسلامي تعليماتو ترويج او د قرآن پېغام خپرولو لپاره وقف كړے۔ د رائېونډ په تبليغي اجتماع كښې به هر كال د لكونو په شمېر خلق د ده د اسلام د امن مذهب په توګه پېغام اورېدولو لپاره راتلل۔ دا د حج نه پس په ټوله نړۍ كښې د مسلمانانو دوهمه لويه اجتماع ده۔ ده ووئيل چې مولانا عبدالوهاب چې د كوم پېغام خپرولو لړې پېل كړې وه٬ هغه په تندې سره په ټوله نړۍ كښې خپرېږي او دا به په دنيا او آخرت كښې د ده د بخښنې سبب وګرځي۔ ده د ارواښاد ايصال ثواب او غم جنې كورنۍ لپاره د زغم دعا وكړه۔
د اطلاعاتو ٬ خپرونو او قومي ورثه وفاقي وزير فواد حسېن چوهدري د تبليغي جماعت امير مولانا عبدالوهاب په مړينه خواشيني وښودله
د اطلاعاتو ٬ خپرونو او قومي ورثه وفاقي وزير فواد حسېن چوهدري د تبليغي جماعت امير مولانا عبدالوهاب په مړينه خواشيني وښودله | APP Pashto service
