اسلام آباد۔14جنوری (اے پی پی) داخله وزير رانا ثناﺀ الله د كراچۍ او حېدر آباد بلدياتي ټاكنو سره په اړوند تاؤ تريخوالي د ژورې اندېښنې څرګندونه كولو سره وئيلي دي چې د بلدياتي ټاكنو د روانې مياشتې په 15 نېټه كېدو د سياسي ګوندونو ترمينځه اختلاف د اندېښنې وړ صورتحال رامخې ته كړې دې۔د خالي په ورځ په خپل يو بيان كښې ده ووئيل دوه سياسي ګوندونه د بلدياتي ټاكنو په حق كښې او دوه د دې مخالف دي۔ ده ووئيل په روانه وضعه كښې په کراچۍ او حېدرآباد كښې د بلدياتي ټاكنو په معامله د تصادم خطر دے۔ رانا ثناﺀ الله ووئيل ځينې شر پسند كسان دې څخه ګټه پورته كولې شي او دې سره د امن او امان مسئلې پیدا كېدو خطره هم شته۔ داخله وزير ووئيل كومه يوه كوچنۍ پېښه په كراچۍ او حېدر آباد كښې د كومې لويې پېښې سبب ګرځېدې شي۔ رانا ثنا اللہ ووئيل چې د سياسي ګوندونو او الېكشن كمېشن په شمول ټولو نورو اړخونو ته له معاملې څخه ځان خبرولو سره د تاؤ تريخوالي ډي فيوز كول وي۔ده ووئيل الېكشن كمېشن او عدليه دې د حالاتو د سنګينۍ نوټس واخلي٬ د آئين او قانون په رڼا كښې دې مناسب حل ولټولې شي۔
د داخله وزير په كراچۍ او حېدر آباد كښې بلدياتي ټاكنو سره په اړوند تاؤ تريخوالي د ژورې اندېښنې څرګندونه
د داخله وزير په كراچۍ او حېدر آباد كښې بلدياتي ټاكنو سره په اړوند تاؤ تريخوالي د ژورې اندېښنې څرګندونه | APP Pashto service
