وزيراعظم شهباز شريف د سېلاب ځپليو سيمو كالام او سوات دوره٬ ځپليو لپاره د 10 اربه روپو اعلان

كالام 31 اګست (اے پي پي) وزيراعظم شهباز شريف په خېبرپښتونخوا كښې د سېلاب ځپليو لپاره 25 زره روپۍ د يوې كورنۍ په سر وركولو په مد كښې د وفاق لخوا د 10 اربه روپۍ اعلان كولو سره وئېلي دي اتحادي حكومت به د ځپليو تر آخري كس به خپلې هڅې روانې ساتي٬د آئي اېم اېف پروګرام په بحالۍ هېواد د ديواليه كېدو خطر څخه راوتلے دے٬لوي څښتن دې وكړي چې د پاكستان لپاره د آئي اېم اېف دا آخري پروګرام وي٬مونږ پاكستان په نړۍ كښې د لاسه وركړي مقام بېرته راګرځولو لپاره هڅې كوو٬لوي څښتن پاكستان ته انساني او قدرتي وسائل وركړي٬په دې سيمو كښې ګير شوي ټول سېلګري به تر زيارت ورځې ويستلے شي۔د شورو په ورځ وزيراعظم شهباز شريف په خېبرپښتونخوا كښې د سېلاب ځپليو سيمو كالام او سوات دوره وكړه۔وزيراعظم سېلاب ځپليو سره خبرې هم وكړی۔په دې موقع انجينئر امير مقام٬ډپټي سپيكر زاهد اكرم دراني٬نجم الدين خان او نور هم موجود وو۔مېډيا سره په خبرو كښې وزيراعظم ووئيل نن زه د خېبرپښتونخوا په دوره راغلے يم ٬ خلقو سره مې ملاقات كړے٬هغوي سره مې خبرې هم كړي۔دلته د مېرمنو٬ماشومانو پشمول دېر سېلګري هم موجود وو٬هغوي به تر خپلو كورونو رسولې شي۔د پاك پوځ چورلكې هغوي راوباسي٬دلته ټول ګير سېلګري به اويستلے شي٬ ده ووئېل مدين٬بحرين او كالام درياب كښې د اوبو زياتېدو له امله تباهي شوې٬دې كښې هېڅ شك نشته چې دا قدرتي آفت ضرور ؤ خو د ناقص بشري منصوبه بندۍ په سبب هم دا زيان”مين مېډ”دے۔هوټلې په دريابونو كښې او په اوبو كښې په ناسنه توګه جوړ كړی شوي كومې جې په لږ ساعت كښې راپريوتې٬ ده ووئېل كورونو ته زيان رسېدلے٬پلونه او سړكونه ځپلې شوي٬ده ووئيل حكومت د صوبائي حكومت٬وسله والو ځواكونو٬اېن ډي اېم اے٬منتخب استازو٬انتظاميه او پي ډي اېم اے سره په ګډه شپه ورځ كار كوي۔دلته نه د سېلګرو د ويستلو عمل شپه ورځ روان دے٬ په دې د آرمي چيف او ايئر چيف مننه كوم۔ ده ووئېل ماه وئېلې شوي چې تر زيارت ورځې به ګير شوي ټول سېلګري اويستلے شي۔ده ووئيل دلته جې كومه تباهي راغلې دا په درياب كښې د اوبو زياتېدو له امله راغلې۔ده ووئيل تېره ورځ د پاك پوځ سرلښكر هم د دې ځاے دوره كړې٬په سندھ بلوچستان كښې د بارانونو له امله تباهي شوې ٬ د يو زر څخه زيات كسان په حق رسېدلي٬ټولې مېداني سيمې دا سمندر منظر وړاندې كوي٬په زرګونو خلق ژوبل شوي٬په لاكهونو بې كوره شوي٬انفراسټركچر ته زيان رسېدلے ٬ 7 لكه ځناور په اوبو كښې لاهو شوي٬په لاكهونو ايكړه زمكه ولاړو فصلونو ته زيان رسېدلے ٬د كهجورو اونې٬وريژې او د پومبې فصل تباه شوے ۔ده ووئيل په لاكهونو خلق كورونو نه بهر شوي ۔د ټولو قام په هلو ځلو هغوي محفوظو ځايونو ته رسولې شوي٬ ده ووئېل زه د صوبائي حكومتونو٬پاك پوځ او اېن ډي اېم اے او پي ډي اېم اے ستائنه كوم كومو چې د ځپليو بحالۍ لپاره شپه ورځ هڅې كړي۔ده ووئيل سړكونه او پلونه مات شوي٬د برېښنا نظام تباه شوے٬اېف ډبليو او او اېن اېچ اے په بشپړه توګه فعاله دي ۔ده ووئيل وفاقي حكومت 28 اربه روپۍ اېن ډي اېم اے او بي آئي اېس پي د لارې وركوي٬په سندھ او بلوچستان كښې 25 زره روپۍ د يوې كورنۍ په سر تقسيمېږي٬د سندھ لپاره 15 اربه او بلوچستان لپاره 10 اربه روپۍ وركړې شوي٬زيان د دې څخه هم زيات دے ٬نورې به هم وركولې شي٬ وزيراعظم ووئېل نورو پاتې صوبو كښې به هم روپې وركول پیل شي٬په حق رسېدلو كسانو كورنيو ته 10 لكه روپۍ د يو كس او ژوبل شوي ته درې لكه روپۍ وركوو۔ده د خېبرپښتونخوا لپاره د 10 اربه روپو وركولو اعلان وكړو دغسې اېن ډي اېم اے سره په ګډه به دا ځپليو ته وركولې شي٬ ده ووئېل زمونږ اتحادي حكومت دے٬زمونږ د ټولو په ګډه ذمه واري ده چې اولس به د دې مشكل وخت څخه ويستلو لپاره هر ممكنه هڅې كوو٬د دې نګراني به پخپله كوم۔زمونږ دوست هېوادونه هم مرسته وركوي٬د هېوادونو مشران مونږ سره د يووالي څرګندونه كوي او هغوي د هر ډول مرستې باور راكړے٬تركيه٬متحده عرب امارات د مرستې سامان رالېږي٬د تركيې څخه د مرستې سامان ټرين راروان دے٬د مرستې سامان به د اېن ډي اېم اے او پي ډي اېم اے د لارې تقسيمولې شي۔ده ووئيل د ملګرو ملتونو سېكرټري جنرل مننه كوم چا چې د خارجه وزارت په خواست د 160 ملين ډالره پروګرام جوړ كړے۔ده ووئيل ډېر زر به د دير٬د بره كوهستان او د شانګله پشمول د نورو سيمو دوره وكړم۔د دې څخه وړاندې وزيراعظم د خېبرپښتونخوا د سېلاب ځپليو كالام او سوات سيمو دوره وكړه۔په كانجو كښې وزيراعظم ته د پاك پوځ او اېن ډي اېم اے لخوا بريفنګ وركړے شو۔وزيراعظم د المان څخه راغليو د سېلګرو كورنيو سره هم ليده كاته وكړل۔ده ته ووئيل شول د 600 نه تر 700 سېلګري اوس هم موجود دي كوم به چې تر سبا اويستلے شي۔وزيراعظم سېلګرو سره ملاقات وكړو او دوي ته د وركړے كېدونكې آسانيو يې جاج واخست۔وزيراعظم اېن اېچ اے ته هدايت وكړو چې لوي لارې زر بحال كړئ ٬ كالام كښې ګير سېلګري په فوري توګه اوباسي۔وزيراعظم په بېړني بنيادونو د سړكونو د بحالۍ كار اېف ډبليو او ته وسپارلو او هلته د ګيرو شوو سېلګرو راويستلو لپاره يې چورلكه وركړه۔