اسلام آباد۔8 مئی(اے پی پی) د اطلاعات او خپرونو وفاقي وزير عطاﺀ تارړ د هالي وډ پروډكشن ګروپ لخوا په پاكستاني كلتور د نړيوال فلم جوړول خوشبينه ګرځولو سره وئيلي دي پاكستان يوه عظيمه كلتوري ورثه لرونكے هېواد دے ٬ زمونږ تاريخ ٬ ادب ٬ موسيقي او فن په ګرده نړۍ كښې ځانګړے او د ستائنې وړ دے٬ د هالي وډ پروډكشن ډلې لخوا په پاكستاني كلتور فلم به نړۍ ته د پاكستان د ښكلا نندارې موقعه وركړي٬ په پاكستان كښې فلم يوازځنې صنعت دے كوم چې ټېكس فري دے۔ دا خبره ده د هالي وډ پروډكشن ډلې غړو سره د ملاقات په مهال خپلو خبرو كښې وكړه۔ وفاقي وزير هالی وډ پروډکشن ډله په هېواد كښې د فلم په څانګه كښې روان پېشرفت څخه خبر كړه۔ وفاقی وزیر ووئيل پاكستان يوه عظيمه كلتوري ورثه لرونكے هېواد دے ٬ زمونږ تاريخ ٬ ادب ٬ موسيقي او فن په ګرده نړۍ كښې ځانګړے او د ستائنې وړ دے او باور لرم چې د هالي وډ پروډكشن ډلې لخوا په پاكستاني كلتور فلم به نړۍ ته د پاكستان د ښكلا نندارې كولو موقعه وركړي۔ ده ووئيل د شهباز شريف په مشرۍ كښې مونږ په تېر حكومت كښې فلم پالېسي بحال كړه۔ ده ووئيل په بجټ 23 ۔ 2022 كښې د يو ارب روپو فلم فنانس فنډ جوړ كړے شو۔ ده ووئيل په دغه بجټ كښې فلم جوړونكو ته تر 5 كلونو ټېكس څخه استثنی وركړې شوه۔ دغسې نوو سېنما هالونو ٬ پروډکشن هاؤسز او فلم میوزیمز جوړولو له تر 5 كلونو لپاره د انکم ټېکس، د فلم او ډرامې په درآمد كولو د لس كلونو لپاره ټېكس څخه استثنی وركړې شوه۔ ده ووئيل د سکرین ټورازم د لارې پاكستان خپله بيانيه نړيوالې كچې ته ورسوله۔ وفاقي وزير هالي وډ پروډکشن ډلې ته د حكومت او خپل اړخه د بشپړ ملاتړ او مرستې باور وركړو۔ په دې موقع هالي ووډ پروډکشن ډلې په كوربتوب كولو د پاكستاني حكومت ٬اولس او د فلمي صنعت ټولو غړو مننه كولو سره ووئيل مونږ د دې دورې څخه زيات خوند اغستے ٬ د پاكستان ښكلا ٬ عظيمه كلتوري ورثه او اولس مو زيات خوښ شوے۔ دوي ووئيل په پاكستان كښې د فلم سازۍ لوئي صلاحيت موجود دے ٬ مونږ د دې صنعت مخ په وړاندې بوتللو كښې د مرستې كولو عزم لرؤ۔ په پلاوي كښې جېمز ایم سی میلان، اینډریو جیمز فیرو، لیوسا اسکن، سعدیه اشرف، بدر اکرام او مشعل ثاقب شامل وو۔ دا خبره دې ښكاره وي چې هالی وډ پروډکشن ګروپ دا مهال په پاكستاني كلتور د نړيوال فلم عكس بندۍ له د پاكستان په دوره راغلے
متعلقہ مضامین
-
Rana Sanaullah’s indictment deferred in drugs case
-
AJK govt presented people-friendly budget: minister
-
Six-year-old Pakistani kid successfully treated for brainstem tumor in China
-
Farah Shah lauds Saudi Arabia’s highest award for COAS
-
IHC dismisses PTI plea on expats’ voting procedure
-
NA okays ‘Charged Expenditure’ worth Rs 27.9tr for FY 2022-23
-
Security to be put on red alert during Muharram in Multan
-
Narcotics Control Ministry wants to recruit 10,000 personnel: NA informed
-
PIA to start flights between Islamabad and Chengdu from July 6
-
CHE directorate to be renamed, HQ shifted to Karachi
-
PACRA maintains Entity, Additional Tier 1 TFC and TFC-II ratings of Soneri Bank
-
Sherry calls for activating Pak-UAE MoU between Pakistan, UAE on environment