اسلام آباد 07 جون (اے پي پي) پاكستان د فلسطين كډوالو ته پناه وركونكې د ملګرو ملتونو په سكول د اسرائيل د ځواكونو د بمبارۍ په سختو ټكو غندنه كړې د كومې په نتيجه كښې چې يو شمېر مېرمنې او كوچنيان شهيدان شوي۔ د جمعې په ورځ د خارجه دفتر وياندې د پرېس بريفنګ په مهال ووئيل دا بريد په تېر اونۍ كښې د آئي ډي پي كېمپ پشمول د وګړو په ضد د بريدونو په سلسله كښې يو بل جرم دے ٬ د كوم په نتيجه كښې چې 45 فلسطينيان شهيدان شوي٬ وياندې ووئيل سول آبادۍ او تنصيبات قصداً په نخښه كول د نړيوال قوانين سنګينه خلاف ورزي ده او دا د جنګي جرائمو په زمره كښې راځي ۔ وياندې د مسجد اقصيٰ په لان كښې د سلګونو شمېر اسرائيلي انتها خوښو د بريدنو غندنه كولو سره ووئيل دا د قابضو چارواكو ذمه واري ده چې ھغوي د مذهبي ځايونو احترام وكړي۔ وياندې زياته كړه چې مونږ د وګړو د قتل عام په ضد په سمدستي توګه او د غېر مشروط جنګ بندۍ د مطالبې پخلے كوٶ او اسرائيل د دې جرائمو ذمه وار ګرځوٶ۔
د فلسطين كډوالو ته په پناه وركونكې د ملګرو ملتونو په سكول د اسرائيل د بمبارۍ په سختو ټكو غندنه كوٶ۔د خارجه دفتر ويانده
د فلسطين كډوالو ته په پناه وركونكې د ملګرو ملتونو په سكول د اسرائيل د بمبارۍ په سختو ټكو غندنه كوٶ۔د خارجه دفتر ويانده | APP Pashto service
