مقبوضه كشمير كښې قابض ځواكونو وضعه تر اندېښمن حده خرابه كړې٬ كشميريانو آزادۍ او د خپلواكۍ حق له د 90 زره كسانو قربانۍ وركړې ده۔ د خارجه وزير شاہ محمود قرېشي د او آئي سي خارجه وزيرانو كلنې مشاورتي غونډې ته وېنا
ملګري ملتونه 29 ستمبر (اے پي پي) خارجه وزير شاہ محمود قرېشي په بېلا بېلو ټولنو او كلتورونو پوهې لپاره شريكو رابطو ته د ودې وركولو په حاجت زور راوړلو سره وئيلي دي چې لوېديزو هېوادونو كښې د اسلام پحقله په غلط فهمو پاكستان ژور تشويش لري۔ د اسلامي مرستې تنظيم (او آئي سي) خارجه وزيرانو كلنې مشاورتي غونډې ته خپله وېنا كښې ده ووئيل پاكستان د نړۍ په بېلا بېلو هېوادونو كښې د اسلام مذهب پحقله د زيات شويو غلط فهمو خاتمې لپاره مهم كردار لوبوي كومې لپاره چې شريكو مذاكراتو ته اړتيا ده ۔ خارجه وزیر فلسطین او هندي مقبوضه كشمير كښې د بنيادي بشري حقونو په سنګين خلاف ورزيو د تشويش څرګندونه هم وكړه۔ ده ووئيل په هندي مقبوضه كشمير كښې قابض ځواكونو حالات تر اندېښمن حده خراب كړي٬ كشميريانو آزادۍ او د خپلواكۍ حق له د كوچنيانو او مېرمنو په شمول د 90 زره كسانو قربانۍ وركړې ده۔ د بشري حقونو پحقله د ملګرو ملتونو د هائي كمشنر راپور حواله وركولو سره ده ووئيل چې د کشمیریانو د بنيادي بشري حقونو سنګين خلاف ورزۍ روانې دي چې پكښې انصاف ته د رسنې نشتوالې هم شامل دې ٬ مقبوضه کشمیر كښې د بشري حقونو خلاف ورزۍ د انصاف قتل دې۔ ده د ملګرو ملتونو د راپور له مخې په مقبوضه كشير كښې د انكوائري كمېسون جوړولو د حاجت په لړ كښې د او آئي سي رابطه ګروپ جوړولو پرېكړه خوشبينه ګرځولو سره د كشميري اولس د خپلواكۍ حق لپاره د سوله ايزو هلو ځلو په ملاتړ كولو د اسلامي نړۍ د مشرانو مننه وكره ۔تېره ورځ د ملګرو ملتونو د عمومي اسمبلۍ د 73مې غونډې په موقع د او آئي سي د خارجه وزيرانو غونډه په نيويارك كښې وشوه چې پكښې د مقبوضه كشمير پحقله د رابطه ګروپ د راپور جاج واخستې شو۔ او آئي سي د کشمیریانو د خپلواكۍ حق ترلاسه كولو لپاره د سوله ايزو هلو ځلو بشپړه ملاتړ كوي۔ خارجه وزير د اسلامي مرستې تنظیم غړو هېوادونو سره د شريكو اړيكو ودې په اړه د پاكستان د عزم پخلي كولو سره ووئيل چې د شريكو رابطو ودې سره سباٶن كښې د خوشحالۍ او امن او امان نظريې ته پراختيا وركولې كېدې شي۔
په بېلو ټولنو او كلتورونو پوهې له د شريكو رابطو ودې ته اړتيا ده٬ لوېديزو هېوادونو كښې د اسلام پحقله په غلط فهمو پاكستان ژور تشويش لري
په بېلو ټولنو او كلتورونو پوهې له د شريكو رابطو ودې ته اړتيا ده٬ لوېديزو هېوادونو كښې د اسلام پحقله په غلط فهمو پاكستان ژور تشويش لري | APP Pashto service
