اسلام آباد24جنوری(اے پی پی)د خزانې وفاقي وزير سېنېټر اسحاق ډار د نهې په ورځ په دوحه كښې د قطر د توان وزير انجينئر سعد بن شريده الكابي سره ملاقات كړے۔په ملاقات كښې د پاكستان او قطر ترمينځه د توان په څانګه كښې د مرستې د چارو او د امكانات جائزه اخستلې شوې۔په ملاقات كښې دوي د توان په څانګه كښې د مرستې نوې لارې لټولو ته اتفاق كړے۔د خزانې وزير په دې موقع ووئيل د پاكستان او قطر ترمينځه تاريخي او د ورورولۍ اړيكې قائم دي۔پاكستان قطر سره خپلو اړيكو ته ډېر اهميت وركوي۔ده ووئيل په هېواد كښې د كاروبار او سرمايه كارۍ لپاره سازګار ماحول وركړے شوے ٬په پاكستان كښې د توان په څانګه كښې د سرمايه كارۍ پراخا امكانات موجود دي كومو څخه چې د قطر پشمول نړيوالو سرمايه كارو ته استفاده كول پكار ده ۔د خزانې وزير ووئيل قطر د توان په اړه مهم هېواد دے او قطر سره اړيكو ته لا وده وركولو ته پام لرنه كوو
په پاكستان كښې د توان په اړھ د سرمايه كارۍ پراخا امكانات شته۔د خزانې وزير سېنېټر محمد اسحاق ډار
په پاكستان كښې د توان په اړھ د سرمايه كارۍ پراخا امكانات شته۔د خزانې وزير سېنېټر محمد اسحاق ډار | APP Pashto service
