اسلام آباد 30 اکتوبر (اے پي پي) خارجه وزير شاه محمود قريشي د اسرائيلي الوتكې پاكستان ته د رتللو خبره بې بنسټه ګرځولو سره وئيلي دي په دې خبره كښې هېڅ حقيقت نشته٬ د سعودي په پېكج كښې كوم شرائط شامل نه دي۔ د نهې په ورځ په قومي اسمبلۍ كښې د سردار اياز صادق لخوا د شوي اعتراض په جواب كښې خارجه وزير شاه محمود قريشي ووئيل د اسرائيلي الوتكې پاكستان ته د راتګ خبر د ځان نه جوړ شوے٬ بې بنسټه او دروغ دے۔ د خارجه وزارت او د سول ايوي اېشن لخوا د دې څو ځله وضاحت شوے چې په دې كښې هېڅ حقيقت نشته۔ ده ووئيل سعودي سره په پېكج كښې كوم شرائط نشته او نه پاكستان پوځ ورلېږي۔ شاه محمود قرېشي ووئيل په دې وخت اسلامي امت تقسيم دے ٬ د پاكستان ګټه په دې كښې ده چې دغه خليج كم كړي۔ كه په دې لړ كښې پاكستان كوم كردار ترسره كولې شي نو بايد ترسره ئې كړي۔ ده ووئيل اقتصادي جائزه دې د خزانې وزير وړاندې كړي٬ په دې بايد اپوزيشن خپل تجاوزير وركړي٬ دا تجويزونه به د خزانې وزارت نوټ كوي او د دغې په رڼا كښې به اقدامات كولې شي
د اسرائيل الوتكې پاكستان ته د راتللو خبره هېڅ حقيقت نه لري
د اسرائيل الوتكې پاكستان ته د راتللو خبره هېڅ حقيقت نه لري | APP Pashto service
