اسلام آباد۔29مارچ (اے پی پی) صدر مملكت آصف علي زرداري د پاكستان او ايران شريكو ګټو لپاره بارټر تجارتي او اقتصادي اړيكو ته د ودې وركولو په حاجت زور راوړلو سره وئيلي دي چې د دواړو هېوادونو ترمينځه په بېلو څانګو كښې دوه اړخيزه اقتصادي همكارۍ ته د ودې وركولو پراخا ګنجائش شتون لري۔ صدر مملكت د دې خيالاتو څرګندونه په پاكستان كښې د ايران سفير ډاكټر رضا امير سره خبرو كښې وكړه چا چې د جمعې په ورځ ايوان صدر كښې دوئي سره ملاقات وكړو۔ صدر مملکت د دواړو ورونړو هېوادونو ترمينځه د دوه اړخيزه اړيكو لا مستحكمولو له د خپل عزم پخلے وكړو۔ ده دواړو هېوادونو ته په پېښو چېلنجونو قابو موندلو له په ګډه د كار په كولو زور راوړو۔ ايراني سفير صدر مملكت ته د منصب په سنبالولو مباركي وركړه۔ ده ووئيل د ايران او پاكستان دواړو ترمينځه تاريخي ٬ مذهبي او كلتوري خپلولۍ دي كومې چې وخت سره سره لا مضبوطيږي۔ ده د دواړو هېوادونو ترمينځه د دوه اړخيزه تجارتي حجم ٬ بېنكنګ همكارۍ او د فضائي او كاروباري تړون زياتولو په حاجت زور راوړو۔ سفير زياته كړه چې پاكستان چاہ بهار- زاهدان رېل روډ څخه وسطی ایشیا، اروپا او تركيه سره تجارت لپاره ګټه پورته كولې شي۔ ده هيله څرګنده كړه چې د صدر آصف علي زرداري په مشرۍ كښې به پاك ايران اړيكې لا پياوړې شي۔ ده د پاكستان صدر ته د ايراني صدر ډاكټر سيد ابراهيم لخوا د مباركۍ پېغام هم ورسولو۔
صدر مملكت آصف علي زرداري سره د ايراني سفير ملاقات
صدر مملكت آصف علي زرداري سره د ايراني سفير ملاقات | APP Pashto service
