اسلام آباد۔9جنوری (اے پی پی) د روغتيا قامي ادارې (اېن آئی اېچ) وئيلي دي چې په ګرد هېواد كښې د تېرو 24 ساعتو په مهال د كورونا وائرس 17 كېسونه رامخې ته شوي دي۔ د ګل په ورځ د اېن آئي اېچ لخوا د جاري شويو شمېرو له مخې په ګرد هېواد كښې د تېرو 24 ساعتو په مهال د كورونا وائرس 3 زره 399 ټېسټونه وكړې شول په كومو كښې چې د 17 كسانو ټېسټونه مثبت راغلي دي چې ورسره د كورونا كېسونو مثبت شرح 0.50 فیصده پاتې شوه۔ بلخوا په دې مهال د كورونا د لاسه يو بل رنځور په حق رسېدلے او د 20 رنځورانو حالت اندېښمن ښودلے شوے دے۔ د هېواد په نورو برخو كښې د تېرو 24 ساعتو په مهال په كراچۍ كښې 183 ټېسټونو كښې د 3 ټېسټونو په مثبت راتللو مثبت شرح 1.64 ٬ لاهور كښې په 724 كښې د يو په مثبت راتللو مثبت شرح 0.11 ٬ پېښور كښې په 302 كښې د 6 په مثبت راتللو شرح 1.99او په اسلام آباد كښی په 205 كښی د يو ټېسټ په مثبت راتللو شرح 0.49 فیصده پاتې شوه۔
د تېرو 24 ساعتو په مهال د كورونا وائرس 17 كېسونه رامخې ته شول٬ اېن آئي اېچ
د تېرو 24 ساعتو په مهال د كورونا وائرس 17 كېسونه رامخې ته شول٬ اېن آئي اېچ | APP Pashto service
