اسلام آباد 03 ستمبر (اے پي پي) وزیراعظم محمد شهباز شریف وئيلي دي كراچۍ د هېواد تر ټولو مهم ښار دے او د هېواد په معیشت کښې د ملا د تير حیثیت لري۔د کراچۍ مسئلو حل كولو ته حكومت خاص پام لرنه كوي۔متحدہ قومي موومنټ د حکومت مهم اتحادي ګوند دے،اتحادي ګوندونو په مرسته د هېواد د پرمختګ كار تندۍ سره روان دے۔د وزیراعظم آفس میډیا ونګ د اړخه جاري شوې بيان له مخې وزیراعظم محمد شهباز شریف سره د متحدہ قومي موومنټ پاکستان چیئرمېن، د سائنس او ټیکنالوجي او د تعلیم او پیشه وره تربیې وزير خالد مقبول صدیقي په مشرۍ كښې د متحدہ قومي موومنټ پاکستان پلاوي ملاقات وکړو ۔پلاوي د وزیراعظم په مشرۍ كښې د معاشی پالیسيو په سوب د ګرانۍ شرح سنګل ډيجټ ته په راتللو وزیراعظم ته پيرزوئنې وړاندې كړې ۔پلاوي د وزیراعظم د کاروبار دوسته پالیسیو او برآمدی صنعت پرمختګ لپاره اقدامات هم وستائل ٬ پلاوي وزیراعظم ته د معیشت پرمختګ لپاره تجاویز او د هېواد معاشی مرکزونو او په خاص توګه د کراچۍ د وكړو سوكالۍ لپاره تجاویز وړاندې كړل۔پلاوي كښې د قامي اسمبلۍ غړي ډاكټر محمد فاروق ستار ، مصطفیٰ کمال او سید امین الحق شامل وو۔په دې موقع وزیراعظم ووئيل متحدہ قومي موومنټ د حکومت مهم اتحادی ګوند دے،د اتحادیانو په مرسته د هېواد د پرمختګ كار په تندۍ سره روان دے۔وزیراعظم ووئيل کراچۍ د هېواد مهم ښار دے او هېواد په معیشت کښې د ملا د تير حیثیت لري،د کراچۍ مسئلو حل كولو ته حكومت خاص پام لرنه كوي۔ملاقات كښې د سندھ او په خاص توګه د كراچۍ او نورو ښارونو په مسئلو په اړه خبرې اترې وشوې۔ملاقات كښې نائب وزیراعظم او خارجه وزير محمد اسحاق ډار، د قانون وفاقی وزیر اعظم نذیر تارړ او د وزیراعظم د سياسي چارو او بین الصوبائی رابطو صلاحكار رانا ثناء اللہ هم موجود وو۔
د کراچۍ مسئلو حل كولو ته خاص پام لرنه كوو،متحدہ قومي موومنټ د حکومت مهم اتحادي ګوند دے۔ د وزیراعظم محمد شهباز شریف د متحدہ قومي موومنټ سره پلاوي كښې خبرې
د کراچۍ مسئلو حل كولو ته خاص پام لرنه كوو،متحدہ قومي موومنټ د حکومت مهم اتحادي ګوند دے۔ د وزیراعظم محمد شهباز شریف د متحدہ قومي موومنټ سره پلاوي كښې خبرې | APP Pashto service
