اسلام آباد 07 اکتوبر (اے پي پي) پاکستان د هند په غېر قانوني قبضه كړي جمو و كشمير كښې د جاري رياستي ترهګرۍ غندنه كولو سره وئيلي ديد هند قابض ځواكونو د 5م اګست كال 2019 د يو اړخيزه او غېر قانوني اقدامات نه پس په مقبوضه سيمه كښې 678 نه زيات كشميريان شهيدان كري چې پكښې 158 سږ كال شهيدان كړې شوي۔ د خارجه دفتر وياند عاصم افتخار احمد د جمعې په ورځ د پرېس بريفنګ په مهال په دې خبره د افسوس څرګندونه وكړه چې په غېر قانوني قبضه كړي جمو و كشمير كښې هندي ځواكونو د ماورائے عدالت قتلونو سلسله جاري ساتلې، د تېرې يوې اوونۍ په مهال هندي ځواكونو په بارهموله٬ شوپيان او پلوامه كښې نور اته بې ګناه كشميريان په بې دړدۍ شهيدان كړي۔ وياند د پاكستان د هغې مطالبې بيا تذكره وكړه چې د ملګرو ملتونو د كشمير پحقله په كال 2018 او كال 2019 كښې د رپورټس له مخې د بشري حقونو هائي كمشنر دفتر سفارش كړےچې د تحقيقاتي كمېشن د لارې دې په كشمير كښې د ماورائے عدالت قتلونو تحقيقات وكړې شي۔ ده ووئيل پاكستان په نړيواله ورورولۍ زور رواړي چې ھغوي هند په بې ګناه كشميريانو د ظلمونو ذمه وار وګرځوي او د ملګرو ملتونو د سلامتي كونسل د اړوندو قراردادونو او د كشميري اولس د هيلو له مخې د كشمير كشالې سپېځلې او سوله ايز حل باوري كولو كښې كردار ولوبوي۔ وياند ووئيل په اسلام آباد كښې د هند ناظم الامور په تېره اوونۍ كښې خارجه وزارت ته رابللې شوې او د حريت كنفرنس لارښود الطاف احمد شاه په خراب صحت ئې د پاكستاني حكومت د شديد تشويش نه خبر كړے څوك چې د تېرو پنځو كالو راهسې د نوې ډيلي په تهاړ زندان كښې بنديوان دے او د پختورګي په كېنسر اخته دے۔ وياند ووئيل هند چارواكي ھغه ته د طبي مرستې نه پرله پسې سرغړونه كوي۔ ده ووئيل مونږ د كشمير د سياسي بنديوانو په خراب صحت او په پرله پسې نظربندۍ هم تشويش لرو چې پكښې حريت لارښود ياسين ملك هم شامل دے څوك چې د مقبوضه كشمير او هند په بېلا بېلو زندانونو كښې په غېر قانوني توګه نظر بند دے۔ وياند ووئيل مير واعظ عمر فاروق هم په خپل كور كښې نظر بند دے او هغهله د جمعې خطبي لپاره سري نګر جامع مسجد ته د تللو اجازې نه هم پرله پسې انكار كېږي۔ وياند ووئيل د اندېښنې خبره ده چې مقبوضه كشمير ته په معاشي توګه زيان رسولے كېږي، کشميريان د هند قابض ځواكونو معاشي ترهګرۍ سره مخ كړي٬ د قابض ځواكونو لخوا په زبردستۍ د سړكونو د ناكه بندۍ له امله مڼې خرابېږي كومه چې د هند لخوا د كشمير معيشت د تباه كولو هڅه ده۔ وياند ووئيل د كشميريانو د آزادۍ هلو ځلو په غلې كولو كښې د ناكامۍ نه پس د هند قابض ځواكونه نورېحربې استعمالوي او ھغوي په مقبوضه كشمير كښې د معيشت تباهۍ لپاره اقدامات كوي او د دوي د مېوو صنعت ته زيان رسولو لپاره د ټركونو په نقل و حمل ئې بندېز لګولے كوم چې د نه قبلېدو وړ دے۔ د يوې پوښتنې په ځواب د خارجه دفتر وياند ووئيل د كشمير كشالېحل د ملګرو ملتونو د قراردادونو د لارې ممكن دے او دا مسئله د كشميريانو د مرضۍ له مخې د رائے شمېرو د لارې حل كېدې شي۔ وياند ووئيل پاكستان د سوئيلي آسياء په منطقه كښې يو مهم هېواد دے، پاکستان د او آئي سي د غړي سره د د نورو يو شمېر نړيوالو نتظيمونو هم غړے دے، د برتانيې پشمول يو شمېر هېوادونو سره په دې وروستيو كښې په خبرو اترو او رابطو كښې اضافه شوې ۔ وياند د امريكائي سفير د آزاد کشمير دورې په اړه د يوې پوښتنې په ځواب ووئيل ھغوي د دورې په مهال د آزاد کشمير سياسي مشرانو سره ملاقات كړے٬ د سفير دورې سره آزاد کشمير كښې د امن ناك صورتحال عكاسي كېږي او د دې برعكس هند په مقبوضه كشمير كښې د بشري حقونو او د نړيوالو قوانينو خلاف ورزۍ كوي۔ وياند ووئيل پاكستان د ماحولياتي بدلون څخه سخت ځپلے كېږي ٬ حالانكه په ماحولياتي مسئلو كښې زمونږ برخه د نشت برابر ده، پاکستان لپاره نړيوال معاونت راتلل پكار دي دغسې چې د سېلاب له امله د شوي زيان ازاله وكړې شي، پاکستان په اوږدو بنيادونو بحالۍ او بيا رغونې ته اړتيا لري ٬ دې مقصد لپاره نړيوالې مرستې ته اړتيا ده۔ وياند ووئيل د فرانس صدر د ډونرز کنفرنس د كوربتوب وړاندېز كړے كوم چې به سږ كال په پائي كښې كېږي خو تر اوسه دې لپاره د ځاے تعين نه دے شوے۔ وياند ووئيل د اسلامو فوبيا پحقله پاكستان بشپړ موقف اختيار كړے٬ په دې لړ كښې په او آئي سي او ملګرو ملتونو كښې پاكستان هڅې كړي، د پاکستان د هلو ځلو په نيتجه كښې ملګرو ملتونو هر كال د مارچ 15مه نيټه د اسلامو فوبيا مخنيوي لپاره د نړيوالې ورځې په توګه د لمانځلو اعلان كړے، مونږ به دا مسئله په موثره ډول رامخې ته كوٶ۔ وياند ووئيل پاکستان د افريقې منطقې سره اړيكې زياتولو په خاص توګه تجارتي اړيكې زياتولو لپاره اقدمات كړي ٬ دې مقصد لپاره نوې سفارتخانې بېرته كړې شوي
د هند قابض ځواكونو د 5م اګست كال 2019 د يو اړخيزه او غېر قانوني اقدامات نه پس په مقبوضه سيمه كښې 678 نه زيات كشميريان شهيدان كري۔ د خارجه دفتر وياند بريفنګ
د هند قابض ځواكونو د 5م اګست كال 2019 د يو اړخيزه او غېر قانوني اقدامات نه پس په مقبوضه سيمه كښې 678 نه زيات كشميريان شهيدان كري۔ د خارجه دفتر وياند بريفنګ | APP Pashto service
